鄧麗欣破天荒公開反「港獨」惹網民群嘲

大公文匯全媒體報道，「今日的我打到昨日的我」例子屢見不鮮！藝人鄧麗欣Stephy曾經於黑暴後期間刊登爭議性貼文疑似「撐暴」，但早幾日喺微博發文表態話「香港是中國不可分割的一部分」表忠，只不過，有網民唔買賬，反問Stephy「唔好以為冇人知道你做過咩嘢？」

話說，Stephy拍攝嘅內地劇《末代廚娘》，雪藏5年後終於重見天日，喺27日於內地平台播放。Stephy近日更加破天荒地公開反「港獨」，強調自己「立志參與促進中國香港和內地之間的文化交流事業」，又澄清「『有心之人』過度解讀我的訪談並刻意扭曲我在社群媒體上的發言」，令佢感到非常難過。

雖然Stephy要立志為祖國貢獻，但有網民就翻起佢嘅舊賬，質疑對方疑似出post，聲援黑暴。2020年，Stephy同十支香檳合照，留下ig文字：「咁高興係因為今日：煞～景＃唔係煞科……我們的棕地，五十天，開香檳」。當時，有人質疑「五十天」三個字拆開來是「五＋一大」，即「五大訴求，缺一不可」，至於「煞景」，就「殺警」嘅廣東話同音。對於Stephy立場反轉，有網民揶揄，「信佢雙目失明」。

《末代廚娘》是部清裝劇，除了鄧麗欣，還有另一名港星胡杏兒、中國著名演員王剛、張鐵林演出，但2019年拍完後，多次傳出播映，但都不了了之。