大公文匯全媒體報道，全城熱話，何伯何太的忘年戀又有新進展！兩位近日在直播時「濕吻」晒恩愛，又大爆何伯「一晚五次」暗示性能力好勁，被大批網民批評。
就在今日（29日）中午，何伯夫婦在社交媒體開直播，公開何家仔女姓名、工作職位以及多年來欠他的款項，直播期間何伯拎出筆記，指「大兒子2016年8月24日攞咗我60萬，40萬支票，20萬現金。2016年3月24日，取咗30萬買車，合共取咗我一百三十幾萬。」他更指為公平每名仔女都給了5萬。何伯續指，二兒子2023年屋企裝修也取了何伯35萬元，前後借出總共60多萬元。何伯更大爆大兒子是水警，在香港和內地有兩頭住家。直播引起網民嘩然，其後，有人以自稱是何家子女代表在Facebook關注組中發文，直斥父親在直播中公開仔女私隱，表示或會向私隱專員公署及警方報案。
昨晚（28日）東張西望播出兩人最新受訪片段，全城繼續食花生。
節目中，何伯強調「一晚五次」冇講大話，坦然直播濕吻零尷尬！何伯表示：「佢講句嘢（一晚五次），我老婆衝口而出啫！根本實際上真係實際，佢冇講大話，真㗎！」至於在直播時濕吻，何伯表示：「唔尷尬㗎！兩公婆邊有尷尬，咁即係證明係真愛。做唔到即係唔係真愛啦！」而受訪期間，何伯時常將何太摟在懷中，一時狂揸何太手臂，一時望望何太心口，可見對何太十分癡迷，相當熱戀。
被問到何太在社交媒體中教網民「釣金龜」，何太表示：「有啲女人好善良、好忠直，俾啲騙子男呃過，所以我呢方面有啲提醒，提醒俾到啲受害嘅善良人聽一聽。」何太直言不會選擇一個窮光蛋伴侶：「因為我經歷過失敗呀嘛！」何伯亦深信何太：「佢唔會釣金龜囉！如果佢釣金龜，而家我冇晒錢，佢仲唔走？仲唔離開我呀？」
何伯現在「窮到燶」何太仍然不離不棄？有網民近日發出疑似何太的社交媒體（千語BB生活語錄）的粉絲群內對話截圖，何太在群組內大談何家家事：「佢咁窮仲可以送啲咩畀我啊，不過佢對我好好啊。佢好愛惜我就夠啦。」不過何太又指「我老公講，如果啲錢佢收返嚟，佢話送兩根金俾我。」
何伯夫婦事件發酵近1個月，各社交平台瘋狂洗版，有網民支持也有網民質疑兩人的愛情故事。如今他們原本是控訴細女調走聯名戶口內450萬的苦主，現在搖身一變成為網絡紅人，更有電商邀請何太直播帶貨教人煲靚湯。不知道接下來還會有什麼故事發生，給全城繼續剝花生呢？
