11年後再合作要壓抑情感　陳豪慨嘆新劇「冇咗個老婆」

（大公文匯全媒體特約記者 陳惠芳）無綫新劇《羅密歐與祝英台》將於10月16日首播，該劇是陳豪與陳茵媺婚後首部夫妻檔作品，合演還有周嘉洛及游嘉欣。

「要換取最大的愛就要付出」，《羅祝》故事發生在超現實，圍繞四位主角祝英台（陳茵媺飾）、梁山伯（陳豪飾）、羅密歐（周嘉洛飾）及朱麗葉（游嘉欣飾）發展。無綫發放的宣傳預告，主角設定為「智勇雙全祝英台」、「槍法如神梁山伯」、「仁心仁術羅密歐」及「反叛率真朱麗葉」。他們個個槍法如神，祝英台全程唧都唔笑cool到爆；梁山伯賴皮市儈勁愛搵人笨；羅密歐謙厚有禮，志願是成為幫到貧苦大眾的仁醫；朱麗葉熱愛刺激，為了最愛的槍械及羅密歐，多番犯禁與祝家玩對抗。

相隔11年才再度於劇集同框的陳茵媺（Aimee）及陳豪（阿Mo），更是婚後首度挑戰演CP，原來夫妻檔合作非易事，「雙陳」笑指難度在於要壓抑自己對對方的感情。Aimee笑言：「因為今次個角色同真實嘅自己完全唔同，都好大挑戰，要盡量收埋平時嘅自己，除咗講嘢唔可以太女仔，仲要收番起自己平時對住老公嘅眼神同小動作，要將自己從現實中抽離番。」阿Mo則搞笑感嘆拍劇期間猶如「冇咗個老婆」，但仍強調全力支持Aimee復出追夢。

除了「雙陳CP」，首演情侶的新生代組合「洛游CP」亦勁有突破。以搞Gag、貪玩、語速快馳名的嘉洛仔（周嘉洛），今次雖然會繼續發揮搞笑本色，但卻多了「深情」元素，劇中熱愛莎士比亞的他，不時會大拋「莎式金句」顯內涵玩浪漫。