港姐2023｜傳耍大牌遭佳麗杯葛　莊子璇否認

（大公文匯全媒體 特約記者 陳惠芳）2023年香港小姐候選佳麗今日（4日）現身美容中心活動，有傳大熱的15號莊子璇（Hilary）對佳麗則耍大牌，又向幕後攞着數，遭佳麗群起杯葛。

莊子璇被安排與14號陳怡名（Zora）及16號郭珮文（Juliana）一齊受訪，她解釋說：「你問大家就知有冇，因為同幕後一齊工作好耐，大家都會有說有笑，但冇諗過因為咁畀人講。」她續指大家自己跟部分佳麗相處OK，其中以Juliana及3號的鄧凱文（Eris）最老友。她又補充說:「不過一定有friend有唔friend，但我感覺唔到有人唔鍾意我。」

莊子璇又隨即問Juliana：「你覺得我對你好唔好？」Juliana說：「幾好！」但Hilary似乎不太滿意：「幾咋？」Juliana在對方追問下說：「很好！」Zora亦為Hilary講好說話，覺得Hilary很小朋友，像鄰家女孩。另外，講到網民稱Hilary為「黃心穎2.0」，她笑言：「不敢當！」Juilana搭訕說：「有啲似喎！」隨即改口：「唔係，我認錯人。」

問到Hilary會否覺得自己似黃心穎般進擊？她否認：「我喺後台唔講嘢，唔會一大班人圍住咁，我唔係進擊，而係小透明。」但Juliana表露質疑眼神：「我好欣賞佢，雖然佢好低調，但佢都會閃閃發亮。」

現場Juliana獲得完美體態大獎，她對此表示開心，笑言：「可能因為我挺得比較直。（覺得自己完美？）我有跟足老師所講丁字腳同挺直。至於Hilary指Catwalk老師批評她寒背：「不過個習慣好難改，記得就挺直囉！我都要瘦啲，可能係水腫，我目標減5公斤，但冇可能，因為我塊臉肥，但好難減，我要全身瘦，塊臉先瘦。（有冇信心減到？）冇信心，目標係做唔到先定，做到嘅就唔需要定。」又指最羨慕17號王敏慈的長腿。