爆移英老婆出軌為入籍唔肯離婚　戴綠帽人夫回流返港感難過

大公文匯全媒體報道，早輪黃絲一窩蜂移民英國，結果不消兩年，已有不少夫妻搞到離婚收場！近日有一名已回流香港嘅人夫喺網上發文，話老婆喺英國已搵到當地男人一齊，但就因為擔心不能入籍，及子女將來大學嘅費用，希望等到入咗籍之後先正式離婚。

該名人夫喺討論區發文，提問「已在英國大約兩年，男方不能適應生活及各種原因，已離開英國，有兩個仔女，只有男方擁有BNO，雙方決定離婚，女方可以繼續居留嗎？」他表示，老婆喺英國已搵到當地男人一齊，但擔心不能入籍及將來大學嘅費用。

人夫憶述，當初會移民英國，只因為太太想去，又聽聞英國好容易生活，是好理想嘅地方。但事實是，人夫嘅「英文程度近乎零」，喺英國一個認識嘅朋友都冇，直言「生活真係十分難過」，結果就去到咁嘅地步。然而，想離婚也不容易，因為在雙方離婚後，女方無其他visa就要返香港，所以女方希望等入咗籍之後先正式離婚。

有網民質疑，樓主似乎係「假結婚」去英國，話樓主身為老公，「戴綠帽居然零反應？」；亦有人問人夫「喺英國讀過書又生活過，但英文程度又等如零?」人夫隨即反問「可以有什麼反應、連入境驚因為唔識英文、在英國一分錢也搵不到！我都希望由頭到尾係假結婚」。強調自己「不是放負、只是每個人際遇不同」喎。