（香港文匯報 記者 梁靜儀）馮允謙（Jay Fung）首度於紅館舉行的個唱《JAYPOP LIVE@COLISEUM 馮允謙演唱會 2023》，首場於前晚順利舉行，父母與大哥、孖生弟弟馮重謙（Tim）及未婚妻Crystal亦有到場支持，當晚「大馬女神」林明禎驚喜現身擔任嘉賓，二人在鋼琴上大跳辣身舞，入行11年終登上紅館舞台的Jay Fung更一時感觸淚灑舞台。
以一身武士裝束登場的Jay Fung一口氣連唱三首快歌，唱完《地球來的人》後他便脫去外袍展露一對麒麟臂唱出《開始倒數》及《因愛之罪名》，一輪快歌熱舞後，他興奮地唱︰「Welcome to JAYPOP Live 2023，我終於等到，今晚係我第一個紅館演唱會，等咗11年，我曾經諗過放棄，好多次問自己係唔係唔適合唱歌同做呢行，但係因為你哋嘅愛、包容同支持，讓我堅持下去，令我今日終於擁有自己嘅紅館舞台。」台下歌迷即報以歡呼聲，令他非常感動，他亦強忍眼淚繼續唱下去。
林明禎驚喜現身大跳辣身舞
之後Jay Fung換上另一套全黑閃片歌衫，自彈自唱《Versace on the floor》時，其間身穿黑色閃片露肩高叉長裙擔任表演嘉賓的大馬女神林明禎驚喜現身，兩人在鋼琴上頭貼頭，面貼面大跳辣身舞，將現場氣氛推高。之後Jay Fung唱出溫馨情歌《報復式浪漫》期間，多次向台下的未婚妻大派心心，而Crystal亦看得十分投入，不時揮動手上的燈牌。
入行11年終登上紅館舞台的Jay Fung，唱到自己作曲及填詞的《Keep on, fight on》時終忍不住感觸落淚，他感動地說︰「答應過自己唔好喺台上喊，但好難將情緒收起，今晚咁多人來睇騷，有啲觀眾更特別喺外國返來，我非常感動﹗」
變身Oppa跳唱韓文歌冧粉
為了給觀眾驚喜，JayFung 一人分飾七個Oppa造型，之後就跳唱兩首韓文歌，Black Pink的《How You Like That》及BTS的《Dynamite》，演出令人眼前一亮，全場報以掌聲。他又問觀眾︰「夠唔夠男團？我練習咗好耐，我幻想過如果當年無去參加歌唱比賽，而係去韓國做練習生，之後成為男團成員，會變成點樣？不過我有自知之明，自己筋骨硬，唔係男團成員材料，都係做返唱作歌手比較好。」
安哥時，Jay Fung的耳機失靈，他主動提出重唱，又感性地說：「11年來經歷咗好多，踏上紅館舞台係奇跡，證明相信自己目標，唔放棄就會達到，多謝大家帶畀我美好回憶，我永遠記得呢刻。」Jay Fung全晚唱了二十六首歌，不過觀眾仍意猶未盡，完騷後久久不肯離開，全場不停大嗌「安哥」，已換了衫的Jay再出場，面對歌迷的熱情，他再唱多一首歌《愛斯基摩人之吻》，為演唱會畫上句號。
（來源：香港文匯報B08：娛樂 2023/03/27）
