英國嫌棄「低技能」移民 　BNO入籍勢危

大公文匯全媒體報道：唔少黃絲一窩蜂移民去英國，當正人哋無任歡迎咁。近日新任內政大臣布雷弗曼話，英國現時「低技能」移民過多，對英國經濟增長無益，顯然是為踢走新移民放定囗風，真係叫一班移英黃絲情何以堪。

香港紀惠集團副主席及行政總裁湯文亮日前在社交平台發文，直指英國唔理BNO港人的能力，總之啱條件就可以入境英國，現在英內相放出聲氣話新移民的質素太低，他估計在五年之後BNO港人申請做正式移民有難度，或者到時會超過一半人不合格，如果不能送回香港，就要去盧旺達。

對於有人話他危言聳聽，湯文亮今日再發文話，據BNO港人所講，用BNO去英國的大多數是精英，英內相並不是講他們，所以沒有擔心，大安旨意等五年之後申請做移民。不過，他提到，最近有一件事發生在英國的茶餐廳，嚇到不少BNO港人食不甘味，話說有一個BNO港人去一間茶餐廳應徵做工，老闆叫佢先做試工，試咗兩日話唔啱用，斗零人工都冇畀，英國雖然有最低工資，但冇講試工是否要畀人工。

湯文亮指，以此類推，BNO港人亦可能是試工，五年之後英國唔啱用就會踢他們走，所以，他才發文叫BNO港人小心五年之後不能夠做移民，一片苦心而已。